Бағдарламаның мақсаты
“Сандық экономикадағы Қолданбалы математика” білім беру бағдарламасының мақсаты – математикалық ойлау мәдениетіне ие және математикалық модельдеу аппаратын қолдана отырып cандық экономика міндеттерін шеше алатын қолданбалы математиктерді дайындау.
Ұзақтығы-4 жыл
Бағдарламаның ерекшеліктері
Ұсынылып отырған бағдарлама инновациялық болып табылады, өйткені оқыту іргелі математикалық аппаратты, математикалық моделдеу және инновациялық ақпараттық технологиялар базасында болжау әдістерін меңгеруді көздейді. Бағдарламаның бакалавриат деңгейінде Қазақстанда аналогы жоқ.
Студенттер заманауи тілдер мен бағдарламалау технологияларын қолдану арқылы экономикалық есептерді шешу үшін математикалық модельдерді құрастыруды, зерттеуді, интерпретациялауды және оңтайландыруды үйренеді.
Әлеуетті талапкерлер мемлекеттік грантқа үміткер бола алады.
Бұл бағдарлама банктерде, инвестициялық, сақтандыру және консалтингілік компанияларда Деректерді талдаудың қазіргі заманғы әдістерімен (жасанды интеллект/Машиналық оқыту) жұмыс бойынша тар маманды дайындау шеңберінде Экономика, Математика және бағдарламалау саласындағы пәндерді келісілген біріктіруге арналған.